Foto: ashyq derekkóz
Pavlodarda balabaqsha tárbieshisine qatysty rezonansty is boiynsha sot úkimi shyqty. Aiyptalýshy 2–2,5 jastaǵy balalarǵa qatysty zorlyq-zombylyq jasaǵany úshin kináli dep tanyldy. Bul týraly Pavlodar oblysy prokýratýrasy habarlady.
Tergeý derekterine sáikes, tárbieshi 16 balaǵa júieli túrde kúsh qoldanǵan. Atap aitqanda, balalardy urý, shashynan tartý, laqtyrý jáne dene jaraqatyn keltirý faktileri anyqtalǵan.
Sot sheshimimen aiyptalýshyǵa 4 jyl 6 ai bas bostandyǵynan aiyrý jazasy taǵaiyndaldy. Sonymen qatar, ol 3 jyl merzimge pedagogikalyq qyzmetpen ainalysý quqyǵynan aiyryldy.
Degenmen, sot úkiminde jazany óteý merzimin keiinge qaldyrý týraly sheshim de kórsetilgen.
Úkim ázirge zańdy kúshine engen joq.
