Foto: Polisia.kz
Pavlodar oblysynda politsiia iri kólemdegi sintetikalyq esirtki ainalymynyń jolyn kesti, dep habarlaidy Ult.kz.
Polisia.kz málimetinshe, jedel-izdestirý is-sharalary barysynda jergilikti turǵyn ustalǵan. Jeke tintý kezinde odan satýǵa daiyn shamamen 60 orama tabylǵan.
Keiin kúdiktiniń páterine júrgizilgen tintý barysynda sintetikalyq jáne psihotroptyq zattardyń iri partiiasy anyqtaldy. Mamandardyń qorytyndysy boiynsha tárkilengen zat – shamamen 1,2 keli mefedron.
Sonymen qatar politseiler tarazy, qaptama materialdary jáne esirtki daiyndaý men taratýǵa qatysty ózge de aiǵaq zattardy tárkilegen.
Pavlodar oblysy PD UQQB bastyǵynyń mindetin atqarýshy Dias Qadyrovtyń aitýynsha, atalǵan derek boiynsha qylmystyq is qozǵalǵan. Kúdikti ýaqytsha ustaý izoliatoryna qamaldy.
Qazirgi ýaqytta tergeý amaldary júrip jatyr. Politseiler esirtki jetkizý tizbegin jáne yqtimal sybailastardy anyqtaý maqsatynda jedel jumystardy jalǵastyrýda.
Aita keteiik, buǵan deiin Shyǵys Qazaqstan oblysynda sintetikalyq esirtki óndiretin jasyryn zerthananyń qyzmeti toqtatylǵan bolatyn.
