Pavlodar qalasy mańyndaǵy tas jolda jantúrshigerlik kólik apaty boldy: "Lada" men "GAZel" júk kóligi soqtyǵysyp, órtke oranǵan, júrgizýshilerdiń biri qaza tapty, dep habarlaidy Sputnik Qazaqstan Pavlodar oblysy ishki ister departamenti baspasóz qyzmetine silteme jasap.
Politsiia málimetine súiensek, apat jumaǵa qaraǵan túni bolǵan – 19 qazan saǵat 00.20-de Pavlodar — Semei tas jolynda Baidaly aýylyna jaqyn jerde.
Qatty soqqydan "Lada" órtenip, jalyn "GAZel" kóligin de sharpydy, saldarynan eki kólikte túgi qalmai janyp ketken. "Lada" júrgizýshisi órtke oranǵan kólikte qaza tapty.
Instagram paraqshasynda jantúrshigerlik oqiǵanyń videosy jariialanǵan.
Atalǵan derek boiynsha QR QK 345-baby (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy, sonyń saldarynan abaisyzda bolǵan adam ólimi) boiynsha qylmystyq is qozǵalyp, saraptama taǵaiyndalǵan. Oqiǵanyń mán-jaiy men sebepteri anyqtalyp jatyr.
Pavlodar oblysy densaýlyq saqtaý basqarmasynyń baspasóz hatshysy Elmira Temirǵalieva habarlaǵandai, "GAZel" júrgizýshisi dárigerlerdiń kómeginen bas tartqan.
