Pavlodar oblysynyń Mai jáne Ertis aýdandarynda jańa karantin shekteýi engizildi, dep habarlaidy Pavlodarnews.kz.
Ertis aýdany ákimdiginiń málimdeýinshe, memlekettik uiymdar men kásiporyndar saǵat 9:00-den 16:00-ge deiin jumys isteidi. Aýdannyń 10 mektebi, qosymsha bilim berý mekemeleri qashyqtyqtan oqytýǵa kóshirildi. Aýdan ortalyǵyndaǵy balabaqsha jumysyn toqtatty. Aýylishilik joldarda qoǵamdyq kólik júrisi shekteldi. Monsha, saýna, dini jáne sporttyq nysandar eki aptaǵa jabylady.
Jyl basynan beri Ertis aýdanynda koronavirýs infektsiiasynyń 83 jańa jaǵdaiy tirkeldi. Onyń ishinde 5 bala bar. KVI juqtyrǵandarmen bailanysta bolǵandar sany – 157.
Sondai-aq, Mai aýdanynyń Kóktóbe jáne Keńtúbek aýyldarynda 2 aptalyq jańa karantin shekteý sharalary engizildi. Atalǵan aýyldarda sanitarlyq beketter ornatylyp, saǵat 7:00-den 20:00-ge deiin qozǵalys , sonyń ishinde jaiaý júrý de shekteledi.
Aýyl ákimderi men aýdannyń politsiia bólimine betperde taǵý rejimi men áleýmettik qashyq, karantin erejesiniń saqtalýyn baqylaý, jasyryn túrde ótetin otbasy basqosýyn anyqtaý jáne olarǵa jol bermeý tapsyryldy.
