Taiaýda Pavlodarda oryn alǵan jaǵdaiǵa bailanysty, oblystyq mádeniet mádeniet, arhivter jáne qujattama basqarmasy qazaqstandyq ártisti óńirde ótetin resmi is-sharalarǵa shaqyrtýdan bas tartý sheshimin shyǵardy, - dep pavlodarnews.kz tilshisi.
Vedomstvoda 21 jeltoqsanda Estai atyndaǵy qalalyq mádeniet saraiynda ótken kontserttegi Tóreǵali Tóreáliniń minez-qulqy orynsyz dep tanyldy. Sondyqtan sheneýnikter jýyq arada ánshimen bailanys ornatpaidy.
"Biz Pavlodardaǵy ár merekede qazaqstandyq estrada juldyzdarynyń óner kórsetýine múmkindik berip, jii resmi shaqyrtýlar jiberip turamyz, - dep habarlady oblystyq mádeniet basqarmasy. - Sóz joq, biz oblysymyzda jeke uiymdastyrýshylardyń tarapynan ótetin kommertsiialyq kontsertterge baqylaý júrgize almaimyz. Al memlekettik mekemeler ótkizetin saltanatty sharalarǵa Tóreǵali Tóreáli shaqyrylmaityn bolady".
Esterińizge sala keteiik, birneshe kúnnen beri áleýmettik jelide Tóreǵali Tóreáliniń bir kórermenmen ádepsiz túrde sóilesken videosy talqylanýda.
Kaznet qoldanýshylarynyń pikirinshe, ártis óz aýditoriiasyna syilastyq tanytpaǵan. Shý kóterilgennen keiin ártis jelige shyǵyp Instagram arqyly tikelei efirde tyńdarmandaryna mán-jaidy túsindirýge tyrysty. Ol zaldaǵy belgili bir azamattyń aiǵaiy arqyly namysyna tigendigin jetkizip, bolǵan jaǵdai úshin keshirim surady. Sonymen qatar, Tóreáli bolashaqta ol azamatty jolyqtyratyn bolsa, keshirim suraityndyǵyna ýáde berdi.
