©instagram/poiskoviki_pavlodara_vita
Pavlodar oblysynda kishkentai kólde jumbaq jaǵdaida joǵalyp ketken eki balyqshy óli tabyldy, - dep habarlaidy Tengrinews.kz.
Politseiler, qutqarýshylar men eriktiler joǵalǵandardy izdeýdi aiaqtaǵan. Er adamdar óli tabylǵan. Bul aqparatty pavlodarlyq izdeýshiler habarlaǵan.
"Eki adamnyń denesi tabyldy. Barlyq komanda atynan qaza tapqandardyń týystary men jaqyndaryna shyn júrekten kóńil aitamyz", - dep jazdy Vita atty Pavlodar qalasynyń izdeýshiler qoǵamdyq birlestiginiń eriktileri.
Bul aqparat politsiiada da rastalǵan.
"10 qazanda saǵat 14.00 shamasynda Kýtaiaksor kólinde izdeý sharalaryn júrgizý kezinde joǵalǵan eki balyqshynyń denesi tabyldy. Jergilikti jerde politsiia jáne TJ qyzmetkerleri jumys istep jatyr. Saraptama taǵaiyndalady, onyń nátijeleri boiynsha sheshim qabyldanady", - dep túsindirdi Pavlodar oblysy Politsiia departamentiniń baspasóz qyzmeti ókilderi.
Politseiler joǵalǵan jerde balyqshylardyń birine tiesili ÝAZ kóligin tapqanyn aitty. Salondy tekserý kezinde qyzmetkerler qujattardy, aqshany, uialy telefondardy jáne kólik kiltterin tapqan.
"Kólikte rezeńke qaiyq joq edi, biraq qutqarý keýdesheleri boldy", - dedi vedomstvo ókilderi.
Eske salaiyq, buǵan deiin Pavlodar oblysynda eki dos jumbaq jaǵdaida joǵalyp ketkeni habarlanǵan bolatyn.
