©instagram/poiskoviki_pavlodara_vita
پاۆلودار وبلىسىندا كٸشكەنتاي كٶلدە جۇمباق جاعدايدا جوعالىپ كەتكەن ەكٸ بالىقشى ٶلٸ تابىلدى, - دەپ حابارلايدى Tengrinews.kz.
پوليتسەيلەر, قۇتقارۋشىلار مەن ەرٸكتٸلەر جوعالعانداردى ٸزدەۋدٸ اياقتاعان. ەر ادامدار ٶلٸ تابىلعان. بۇل اقپاراتتى پاۆلودارلىق ٸزدەۋشٸلەر حابارلاعان.
"ەكٸ ادامنىڭ دەنەسٸ تابىلدى. بارلىق كوماندا اتىنان قازا تاپقانداردىڭ تۋىستارى مەن جاقىندارىنا شىن جٷرەكتەن كٶڭٸل ايتامىز", - دەپ جازدى Vita اتتى پاۆلودار قالاسىنىڭ ٸزدەۋشٸلەر قوعامدىق بٸرلەستٸگٸنٸڭ ەرٸكتٸلەرٸ.
بۇل اقپارات پوليتسييادا دا راستالعان.
"10 قازاندا ساعات 14.00 شاماسىندا كۋتاياكسور كٶلٸندە ٸزدەۋ شارالارىن جٷرگٸزۋ كەزٸندە جوعالعان ەكٸ بالىقشىنىڭ دەنەسٸ تابىلدى. جەرگٸلٸكتٸ جەردە پوليتسييا جەنە تج قىزمەتكەرلەرٸ جۇمىس ٸستەپ جاتىر. ساراپتاما تاعايىندالادى, ونىڭ نەتيجەلەرٸ بويىنشا شەشٸم قابىلدانادى", - دەپ تٷسٸندٸردٸ پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلدەرٸ.
پوليتسەيلەر جوعالعان جەردە بالىقشىلاردىڭ بٸرٸنە تيەسٸلٸ ۋاز كٶلٸگٸن تاپقانىن ايتتى. سالوندى تەكسەرۋ كەزٸندە قىزمەتكەرلەر قۇجاتتاردى, اقشانى, ۇيالى تەلەفونداردى جەنە كٶلٸك كٸلتتەرٸن تاپقان.
"كٶلٸكتە رەزەڭكە قايىق جوق ەدٸ, بٸراق قۇتقارۋ كەۋدەشەلەرٸ بولدى", - دەدٸ ۆەدومستۆو ٶكٸلدەرٸ.
ەسكە سالايىق, بۇعان دەيٸن پاۆلودار وبلىسىندا ەكٸ دوس جۇمباق جاعدايدا جوعالىپ كەتكەنٸ حابارلانعان بولاتىن.
