Foto:polisia.kz
Pavlodar oblysynda joldaǵy aqaýlar úshin laýazymdy tulǵalarǵa aiyppul salyndy, – dep habarlaidy Ult.kz Polisia.kz -ke silteme jasap.
Jańa jyldyń alǵashqy kúnderinde ákimshilik politsiia qyzmetkerleri eki myń shaqyrymǵa jýyq avtojoldy tekserdi.
Nátijesinde 51 aqaý anyqtaldy, olar boiynsha anyqtalǵan kemshilikterdi joiýǵa 35 uiǵarym berildi.
Joldarda jumystardy júrgizý, joldardy, temirjol ótpelerin jáne basqa da jol qurylystaryn kútip ustaý jónindegi talaptardy oryndamaǵany úshin 5 laýazymdy tulǵa jaýapkershilikke tartyldy, árqaisysyna aiyppul salyndy. Budan basqa, anyqtalǵan aqaýlardy joiý qajet.
Tártip saqshylary mundai is-sharalar jol-kólik oqiǵalarynyń aldyn alý, óńir joldaryndaǵy jaraqattaný men ólim-jitim deńgeiin tómendetý maqsatynda júrgizilip jatqanyn atap ótti.
«Zań jáne tártip» qaǵidaty ishki ister organdarynyń azamattardyń qaýipsizdigin qamtamasyz etýge, qoǵamdyq tártip pen jol qaýipsizdigin qoldaýǵa baǵyttalǵan qyzmetiniń negizi bolyp qala beredi. Quqyq buzýshylar óz áreketteri úshin mindetti túrde jaýap beredi.
