فوتو:polisia.kz
پاۆلودار وبلىسىندا جولداعى اقاۋلار ٷشٸن لاۋازىمدى تۇلعالارعا ايىپپۇل سالىندى, – دەپ حابارلايدى Ult.kz Polisia.kz -كە سٸلتەمە جاساپ.
جاڭا جىلدىڭ العاشقى كٷندەرٸندە ەكٸمشٸلٸك پوليتسييا قىزمەتكەرلەرٸ ەكٸ مىڭ شاقىرىمعا جۋىق اۆتوجولدى تەكسەردٸ.
نەتيجەسٸندە 51 اقاۋ انىقتالدى, ولار بويىنشا انىقتالعان كەمشٸلٸكتەردٸ جويۋعا 35 ۇيعارىم بەرٸلدٸ.
جولداردا جۇمىستاردى جٷرگٸزۋ, جولداردى, تەمٸرجول ٶتپەلەرٸن جەنە باسقا دا جول قۇرىلىستارىن كٷتٸپ ۇستاۋ جٶنٸندەگٸ تالاپتاردى ورىنداماعانى ٷشٸن 5 لاۋازىمدى تۇلعا جاۋاپكەرشٸلٸككە تارتىلدى, ەرقايسىسىنا ايىپپۇل سالىندى. بۇدان باسقا, انىقتالعان اقاۋلاردى جويۋ قاجەت.
تەرتٸپ ساقشىلارى مۇنداي ٸس-شارالار جول-كٶلٸك وقيعالارىنىڭ الدىن الۋ, ٶڭٸر جولدارىنداعى جاراقاتتانۋ مەن ٶلٸم-جٸتٸم دەڭگەيٸن تٶمەندەتۋ ماقساتىندا جٷرگٸزٸلٸپ جاتقانىن اتاپ ٶتتٸ.
«زاڭ جەنە تەرتٸپ» قاعيداتى ٸشكٸ ٸستەر ورگاندارىنىڭ ازاماتتاردىڭ قاۋٸپسٸزدٸگٸن قامتاماسىز ەتۋگە, قوعامدىق تەرتٸپ پەن جول قاۋٸپسٸزدٸگٸن قولداۋعا باعىتتالعان قىزمەتٸنٸڭ نەگٸزٸ بولىپ قالا بەرەدٸ. قۇقىق بۇزۋشىلار ٶز ەرەكەتتەرٸ ٷشٸن مٸندەتتٸ تٷردە جاۋاپ بەرەدٸ.
