© elements.envato.com
Pavlodar oblysynda jol apatynan úsh adam qaza tapty, taǵy ekeýi aýyr jaraqat aldy, - dep habarlaidy Tengrinews.kz.
Jol apaty 6 sáýirde tústen keiin bolǵan. Ekibastuzdan 30 shaqyrym jerde kólik jyraǵa túsip ketken.
Densaýlyq saqtaý basqarmasynyń málimetinshe, 103-ke shaqyrtý jergilikti ýaqyt boiynsha saǵat 16.15-te túsken. Oqiǵa ornyna eki jedel járdem kóligi jáne apattar meditsinasy ortalyǵynyń brigadasy jiberilgen.
Kelgen dárigerler 1976 jyly týǵan er adam, 12 jastaǵy qyz jáne 50-55 jas aralyǵyndaǵy belgisiz áiel qaitys bolǵanyn anyqtaǵan.
"Jol-kólik oqiǵasy saldarynan Almatynyń 32 jastaǵy turǵyny jabyq bas súiek-mi jaraqatyn aldy. Onyń bas miy shaiqalyp, keýde qýysy soǵylyp, qulaǵy jaraqattanǵan. Ekinshi 43 jastaǵy zardap shekken adamǵa bas miynyń shaiqalýy, bas súiek-mi jaraqatynan basqa, jambastyń jabyq synýy diagnozy qoiyldy. Olar Ekibastuz qalalyq aýrýhanasynda jansaqtaýda jatyr. Naýqastardyń jaǵdaiy aýyr", - dedi Pavlodar oblysynyń Densaýlyq saqtaý basqarmasy ókili.
