Foto: Polisia.kz
Pavlodar oblysy politsiia departamenti uiymdasqan qylmysqa qarsy kúres basqarmasynyń jedel ýákilderi prokýratýranyń úilestirýimen bopsalaýmen ainalysqan qylmystyq topty ustady, – dep habarlaidy "Ult aqparat" Polisia.kz saityna silteme jasap.
Qylmystyq top quramyna jasy 25 pen 35 aralyǵyndaǵy adamdar kirgen.
"Qazirgi ýaqytta kúdiktilerdiń bopsalaýdyń bes faktisine qatysy bar ekeni anyqtaldy. Sonymen qatar top músheleriniń Pavlodar oblysynyń aýmaǵynda qarýdy qoldanýmen buzaqylyq jasaýǵa jáne páter urlyǵyna qatysy bar-joǵy da tekserilip jatyr.
Tintý sharalarynyń nátijesinde qatysýshylardan bes atys jáne travmatikalyq qarý, qoldan jasalǵan kastetter, bitalar men pyshaqtar, sondai-aq RGD-5 granatasy tárkilendi" - delingen habarlamada.
Tárkilengen qarý boiynsha saraptama taǵaiyndalǵan.
"Qylmystyq toptyń jeti múshesi ustaldy, onyń ishinde eń belsendi úsh qatysýshysy ýaqytsha ustaý izoliatoryna qamaldy. Jedel-tergeý sharalary jalǵasyp jatyr. Tergeý Qazaqstan Respýblikasy Qylmystyq kodeksiniń birneshe babtary boiynsha júrgizilýde", – dedi QR IIM uiymdasqan qylmysqa qarsy kúres departamentiniń ókili Qýandyq Alpys.
