Pavlodar oblysynda stýdent qyzdyń ólimine qatysty sotqa deiingi tergeý bastaldy. Is QR Qylmystyq kodeksiniń 105-baby boiynsha qaralýda, dep habarlaidy "Ult aqparat" Pavlodarnews.kz saityna silteme jasap.
Ekibastuzda osy qaladaǵy kolledjderdiń birinde oqityn qyz segizinshi qabattaǵy páterdiń terezesinen sekirip, qaza tapty.
«Atalǵan faktige qatysty QR QK-niń 105-baby boiynsha sotqa deiingi tergeý bastaldy. QR QPK 201-babyna sáikes ózge aqparat tergeý múddesinde orai taratylmaidy», - dep atap ótti óńirlik politsiia departamentinen.
QR QK 105-baby – «Adamdy ózin-ózi óltirýge deiin jetkizý nemese jábirlenýshini qorqytý, oǵan qatygezdikpen qaraý nemese onyń adamdyq qadir-qasietin júieli túrde qorlaý arqyly ózin-ózi óltirýge oqtalý». Kináli adam úsh jylǵa deiin bas bostandyǵynan shektelýi nemese aiyrylýy múmkin.
Qaza tapqan 16 jastaǵy qyz Ekibastuz qalasynyń akademik Q.I. Sátbaev atyndaǵy injenerlik-tehnikalyq institýtynda 1-kýrsta oqyǵan. Kolledjdiń aqparatynsha, ol 9-synyptan keiin «stantsiialar men qosalqy stantsiialardyń elektr jabdyqtary» mamandyǵynyń kúndizgi bólimine oqýǵa túsken.
