Pavlodar oblysyndaǵy Qazaqstan men Resei shekarasynda táýlik ishinde bes qazaqstandyq azamat karantin statsionaryna jatqyzyldy, dep habarlaidy "Ult aqparat".
«Sońǵy táýlikte shekaradan 332 adam ótken, sonyń ishinde 155 jaiaý adam men 177 fýra júrgizýshisi bar. Karantin statsionaryna bes qazaqstandyq azamat jatqyzyldy. Aýrý belgileri joq koronavirýs infektsiiasy eki jaqqa tasymal júrgizýmen ainalysatyn eki júrgizýshiden anyqtaldy. Olar Shymkent qalasynyń turǵyndary bolyp shyqty, shekaradan «Qosaq» beketi arqyly ótpek bolǵan», - dep habarlady Pavlodar oblysynyń sanitarlyq-epidemiologiialyq qadaǵalaý departamentinen.
PTR anyqtamasy joq Qyrǵyzstan men Reseidiń tórt azamatyna Qazaqstanǵa kirýge tyiym salyndy.
Pavlodar oblysynda memlekettik shekaranyń tórt avtomobil pýnktinde adamdardyń ótýin qadaǵalaý monitoringi jalǵastyrylyp jatyr.
