Pavlodar oblysynda Jelezin aýdanyndaǵy prokýratýra ǵimaratynda ózine oq atqan politsei jumysynan bosatyldy. Óńirlik Politsiia departamenti ókilderiniń bojamy boiynsha, politsei sýitsid jasamaq bolǵan. Alaida politsei men onyń jaqyndary vedomstvo boljamymen kelispei otyr jáne sotqa júginbek, - dep habarlaidy Tengrinews.kz tilshisi.
Oqiǵa byltyr mamyrda Jelezin aýdanyndaǵy prokýratýra ǵimaratynda bolǵan edi. Aǵa tergeýshi Rahym Ońbaev demalys kúni shaqyrtylǵan. Onyń aitýynsha, aýdandyq prokýror men onyń kómekshisi politsei tamaq pen syra iship otyrǵanyn kórgen.
Prokýrorlar politseige "jumysyn nashar oryndaǵany úshin" bylapyt sózder aitypty-mys. Artynsha politsei shyǵyp, ózine oq atyp jibergen.
Jaraqat alǵan politsei toǵyz aidai densaýlyǵyna bailanysty demalysta bolǵan. Biyl aqpanda Ońbaev shaqyrylǵan, biraq jumys isteýge emes.
"Men IID birinshi basshylarynyń qabyldaýynda birneshe ret boldym. Olar Rahymdy jumys ornynda qaldyrýǵa ýáde etti, ondai tergeýshi qajet ekenin aitty. Biraq biyl aqpanda Rahymdy jumysqa shaqyryp, ádep komissiiasynyń sheshimimen ol jumystan shyǵarylǵanyn aitty", - deidi politseidiń anasy Gúlsim Úsembaeva.
Pavlodar oblysynyń politsiia departamenti ókideri Ońbaevtyń jumystan shyqqanyn rastady.
"8 aqpanda Rahym Ońbaev memlekettik organnyń ákimshilik ǵimaratynda tabeldik qarýdy qoldana otyryp, ózine-ózi qol jumsamaq bolǵan quqyq qorǵaý organynyń bedelin túsiretin teris qylyq jasaǵany úshin ishki ister organdarynan bosatyldy", - dedi Pavlodar oblysy PD basysynyń orynbasary Jasqairat Qaiyrov.
