Foto: polisia.kz
Pavlodar oblysynda esirtki jasyrǵan kúdikti ustaldy, — dep habarlaidy Polisia.kz.
Jedel-izdestirý is-sharalarynyń nátijesinde politsiia qyzmetkerleri Aqsý qalasynyń aýmaǵynda tyiym salynǵan zattardyń zańsyz ainalymymen ainalysqan 26 jastaǵy Almaty qalasynyń turǵynynyń qylmystyq áreketiniń jolyn kesti.
– Kúdikti esirtki jasyryn qoiý kezinde ustaldy. Jeke tintý barysynda qyzdan aq tústi kristall untaq salynǵan 29 oram tabylyp, tárkilendi. Sondai-aq qala kóshelerindegi jasyryn oryndardan osyndai 28 oram anyqtaldy. Júrgizilgen saraptama nátijesinde tárkilengen zattardyń jalpy salmaǵy 50 gramnan asatyn sintetikalyq esirtki ekeni belgili boldy. Atalǵan fakti boiynsha qylmystyq is qozǵalyp, kúdikti qamaýǵa alyndy, – dedi Pavlodar oblysy politsiia departamenti bastyǵynyń birinshi orynbasary Bolat Nurseiitov.
Ustalǵan azamattyń aitýynsha, ol Aqsý qalasyna kelip, messendjer arqyly jasyryn orynnyń koordinattaryn alǵan jáne esirtkini ótkizý maqsatynda dozalarǵa bólip, qaptaýmen ainalysqan.
