فوتو: polisia.kz
پاۆلودار وبلىسىندا ەسٸرتكٸ جاسىرعان كٷدٸكتٸ ۇستالدى, — دەپ حابارلايدى Polisia.kz.
جەدەل-ٸزدەستٸرۋ ٸس-شارالارىنىڭ نەتيجەسٸندە پوليتسييا قىزمەتكەرلەرٸ اقسۋ قالاسىنىڭ اۋماعىندا تىيىم سالىنعان زاتتاردىڭ زاڭسىز اينالىمىمەن اينالىسقان 26 جاستاعى الماتى قالاسىنىڭ تۇرعىنىنىڭ قىلمىستىق ەرەكەتٸنٸڭ جولىن كەستٸ.
– كٷدٸكتٸ ەسٸرتكٸ جاسىرىن قويۋ كەزٸندە ۇستالدى. جەكە تٸنتۋ بارىسىندا قىزدان اق تٷستٸ كريستالل ۇنتاق سالىنعان 29 ورام تابىلىپ, تەركٸلەندٸ. سونداي-اق قالا كٶشەلەرٸندەگٸ جاسىرىن ورىنداردان وسىنداي 28 ورام انىقتالدى. جٷرگٸزٸلگەن ساراپتاما نەتيجەسٸندە تەركٸلەنگەن زاتتاردىڭ جالپى سالماعى 50 گرامنان اساتىن سينتەتيكالىق ەسٸرتكٸ ەكەنٸ بەلگٸلٸ بولدى. اتالعان فاكتٸ بويىنشا قىلمىستىق ٸس قوزعالىپ, كٷدٸكتٸ قاماۋعا الىندى, – دەدٸ پاۆلودار وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى بولات نۇرسەيٸتوۆ.
ۇستالعان ازاماتتىڭ ايتۋىنشا, ول اقسۋ قالاسىنا كەلٸپ, مەسسەندجەر ارقىلى جاسىرىن ورىننىڭ كوورديناتتارىن العان جەنە ەسٸرتكٸنٸ ٶتكٸزۋ ماقساتىندا دوزالارعا بٶلٸپ, قاپتاۋمەن اينالىسقان.
