Pavlodar oblysynda boran saldarynan bolǵan jol apaty eki adamnyń ómirin qiyp ketti. Politseiler tekserý júrgizip jatyr, dep habarlaidy QazAqparat Pavlodarnews.kz saityna silteme jasap.
Oblystyq politsiia departamentiniń baspasóz qyzmetiniń málimdeýinshe, 23 naýryz kúni saǵat 22:50-de Omby-Maiqapshaǵai tas jolynyń Novoiamyshevo aýylyna jaqyn boiynda Toyota Camry 20 júrgizýshisi aýa raiyna bailanysty jol kórinbeitin jerde 25 jastaǵy jigitti qaǵyp ketken. 25 jastaǵy jigit joldy belgilenbegen jerden kesip ótken. Apat saldarynan jaiaý júrginshi oqiǵa ornynda kóz jumdy.
Adam ómirin qiǵan taǵy bir oqiǵa sol kúni saǵat 18:30-da Pavlodar-Lenin kenti jolynda oryn aldy. Munda «Lada Priora» avtokóliginiń 38 jastaǵy júrgizýshisi qarly boran saldarynan tizginge ie bola almai, jol shetindegi jaqtaý temirge soǵylǵan. Júrgizýshi qaza tapty.
Saraptama taǵaiyndaldy. Barlyq faktiler tekserilýde.
