Óńirlik ekologiia departamentiniń qyzmetkerleri tekserý júrgizip, sý synamasyn alýda, dep habarlaidy "Ult aqparat".
«Atalǵan fakti boiynsha ekologiia jáne balyq inspektsiiasy departamentiniń qyzmetkerleri oqiǵa ornyna baryp, sý synamasyn alyp, tekserip jatyr», – dedi Pavlodar oblysy boiynsha ekologiia departamenti basshysynyń orynbasary Darhan Isjanov.
Buǵan deiin Pavlo.detka Instagram paraqshasynda Pavlodar oblysyndaǵy kólde balyqtyń jappai qyrylǵany týraly material jariialanǵan bolatyn.
Aqtoǵai aýdanyndaǵy Shyǵanaq kóliniń jaǵasynda beinerolik túsirgen kýágerdiń aitýynsha, jaz boiy balyq sharýashylyǵy inspektsiiasy jáne ýchaskelik inspektor balyq aýlaýǵa ruqsat bermegen.
Al endi «20 jyldan beri eshkim balyq aýlamaidy, balyqshylardy qýdalaýdyń da qajeti bolmai qaldy» deidi kýáger.
Habarlamada aitylǵandai, Pavlodar oblysynyń jer qoinaýyn paidalaný, qorshaǵan orta jáne sý resýrstary basqarmasynyń qyzmetkerleri balyq sharýashylyǵy inspektsiiasymen, veterinarlyq qyzmettermen jáne ǵalymdarmen birge osy sý qoimasyna barýǵa ýáde berdi.
