Pavlodar oblysynda jyl sońyna deiin aýtizm sindromy bar balalardy ońaltýǵa arnalǵan ortalyq ashylady. Bul týraly Pavlodar oblysynyń ákimi Ábilqaiyr Sqaqov málim etti, dep habarlaidy QazAqparat.
Pavlolar oblysynda aýtizm sindromy bar balalardyń ata-analar ońaltý sharalary úshin basqa oblystarǵa baryp, qarajat shyǵyndaýǵa májbúr. Tipti múmkindigi shekteýli balalaryn qaratý úshin olar uzaq ýaqyt boiy kezekke turady. Al Qazaqstannyń basqa qalalarynda aýtizm sindromy bar balalarǵa arnalǵan ortalyq jumys istep tur. Nelikten osyndai ortalyqty Pavlodar qalasynda ashpasqa? Bul suraqty tilshilerdiń biri búgin OKQ-da ótken baspasóz máslihatynda Ábilqaiyr Sqaqovqa qoidy.
Bul suraqqa jaýap bergen oblys ákimi aýtizm sindromy bar balalardyń ata-analarmen kezdeskenin málim etti.
«Men olarǵa osy máseleni sheshetinimdi aityp, ýáde bergenmin. Búgingi tańda aýtizm sindromy bar balalardy ońaltýmen ainalysatyn mekeme quryldy. Ol mekemeniń shtaty bekitildi. Biz buǵan deiin tek osy ortalyq ornalastyn nysandy izdegen edik. Ǵimaratty taptyq. Qazir «Asyl miras» qorymen belsendi jumys júrgizilip jatyr. Osy ortalyqtyń mamandarynyń bári de oqytylady. Jyl sońyna deiin bul ortalyqty iske qosýdy josparlap otyrmyz», - dedi óńir basshysy.
