پاۆلودار وبلىسىندا جىل سوڭىنا دەيٸن اۋتيزم سيندرومى بار بالالاردى وڭالتۋعا ارنالعان ورتالىق اشىلادى. بۇل تۋرالى پاۆلودار وبلىسىنىڭ ەكٸمٸ ەبٸلقايىر سقاقوۆ مەلٸم ەتتٸ, دەپ حابارلايدى قازاقپارات.
پاۆلولار وبلىسىندا اۋتيزم سيندرومى بار بالالاردىڭ اتا-انالار وڭالتۋ شارالارى ٷشٸن باسقا وبلىستارعا بارىپ, قاراجات شىعىنداۋعا مەجبٷر. تٸپتٸ مٷمكٸندٸگٸ شەكتەۋلٸ بالالارىن قاراتۋ ٷشٸن ولار ۇزاق ۋاقىت بويى كەزەككە تۇرادى. ال قازاقستاننىڭ باسقا قالالارىندا اۋتيزم سيندرومى بار بالالارعا ارنالعان ورتالىق جۇمىس ٸستەپ تۇر. نەلٸكتەن وسىنداي ورتالىقتى پاۆلودار قالاسىندا اشپاسقا? بۇل سۇراقتى تٸلشٸلەردٸڭ بٸرٸ بٷگٸن وكق-دا ٶتكەن باسپاسٶز مەسليحاتىندا ەبٸلقايىر سقاقوۆقا قويدى.
بۇل سۇراققا جاۋاپ بەرگەن وبلىس ەكٸمٸ اۋتيزم سيندرومى بار بالالاردىڭ اتا-انالارمەن كەزدەسكەنٸن مەلٸم ەتتٸ.
«مەن ولارعا وسى مەسەلەنٸ شەشەتٸنٸمدٸ ايتىپ, ۋەدە بەرگەنمٸن. بٷگٸنگٸ تاڭدا اۋتيزم سيندرومى بار بالالاردى وڭالتۋمەن اينالىساتىن مەكەمە قۇرىلدى. ول مەكەمەنٸڭ شتاتى بەكٸتٸلدٸ. بٸز بۇعان دەيٸن تەك وسى ورتالىق ورنالاستىن نىساندى ٸزدەگەن ەدٸك. عيماراتتى تاپتىق. قازٸر «اسىل ميراس» قورىمەن بەلسەندٸ جۇمىس جٷرگٸزٸلٸپ جاتىر. وسى ورتالىقتىڭ ماماندارىنىڭ بەرٸ دە وقىتىلادى. جىل سوڭىنا دەيٸن بۇل ورتالىقتى ٸسكە قوسۋدى جوسپارلاپ وتىرمىز», - دەدٸ ٶڭٸر باسشىسى.
