Foto: okg.kz
Pavlodar oblysynda birneshe jergilikti turǵyn politsiiaǵa alaiaqtyq deregi boiynsha aryzben júgindi. Jábirlenýshilerdiń aitýynsha, belgisiz bir azamat olardy bedeldi kompaniialardyń birine vahtalyq ádispen jumysqa ornalastyrýdy ýáde etip, senimge kirgen, - dep habarlaidy Polisia.kz.
Alaiaq ózin jumysqa ornalastyrýǵa kómektesetin deldal retinde tanystyryp, túrli syltaýlarmen azamattardan 150 myńnan 500 myń teńgege deiin aqsha qarajatyn alǵan. Alaida ýáde etilgen jumys ta usynylmaǵan, berilgen qarjy da qaitarylmaǵan.
– Ýáde etilgen jumys ta, bergen aqshamyz da qaitarylmady. Sol sebepti politsiiaǵa júginýge májbúr boldyq. Mundai jaǵdaiǵa qalai tap bolǵanymyzdy ózimiz de ańǵarmai qaldyq, – deidi jábirlenýshiler.
Politsiia qyzmetkerleri júrgizgen jedel-izdestirý sharalarynyń nátijesinde atalǵan qylmystardy jasady degen kúdikpen 29 jastaǵy oblys turǵyny ustaldy. Tergeý barysynda onyń keminde úsh alaiaqtyq deregine qatysy bary anyqtaldy. Qazirgi ýaqytta kúdikti qamaýǵa alynyp, qylmystyq is qozǵaldy.
