فوتو: okg.kz
پاۆلودار وبلىسىندا بٸرنەشە جەرگٸلٸكتٸ تۇرعىن پوليتسيياعا الاياقتىق دەرەگٸ بويىنشا ارىزبەن جٷگٸندٸ. جەبٸرلەنۋشٸلەردٸڭ ايتۋىنشا, بەلگٸسٸز بٸر ازامات ولاردى بەدەلدٸ كومپانييالاردىڭ بٸرٸنە ۆاحتالىق ەدٸسپەن جۇمىسقا ورنالاستىرۋدى ۋەدە ەتٸپ, سەنٸمگە كٸرگەن, - دەپ حابارلايدى Polisia.kz.
الاياق ٶزٸن جۇمىسقا ورنالاستىرۋعا كٶمەكتەسەتٸن دەلدال رەتٸندە تانىستىرىپ, تٷرلٸ سىلتاۋلارمەن ازاماتتاردان 150 مىڭنان 500 مىڭ تەڭگەگە دەيٸن اقشا قاراجاتىن العان. الايدا ۋەدە ەتٸلگەن جۇمىس تا ۇسىنىلماعان, بەرٸلگەن قارجى دا قايتارىلماعان.
– ۋەدە ەتٸلگەن جۇمىس تا, بەرگەن اقشامىز دا قايتارىلمادى. سول سەبەپتٸ پوليتسيياعا جٷگٸنۋگە مەجبٷر بولدىق. مۇنداي جاعدايعا قالاي تاپ بولعانىمىزدى ٶزٸمٸز دە اڭعارماي قالدىق, – دەيدٸ جەبٸرلەنۋشٸلەر.
پوليتسييا قىزمەتكەرلەرٸ جٷرگٸزگەن جەدەل-ٸزدەستٸرۋ شارالارىنىڭ نەتيجەسٸندە اتالعان قىلمىستاردى جاسادى دەگەن كٷدٸكپەن 29 جاستاعى وبلىس تۇرعىنى ۇستالدى. تەرگەۋ بارىسىندا ونىڭ كەمٸندە ٷش الاياقتىق دەرەگٸنە قاتىسى بارى انىقتالدى. قازٸرگٸ ۋاقىتتا كٷدٸكتٸ قاماۋعا الىنىپ, قىلمىستىق ٸس قوزعالدى.
