Pavlodar oblysynda qyzyna zorlyq kórsetken er adam 25 jylǵa sottaldy, - dep habarlaidy Massaget.kz portaly pavlodarnews.kz saityna silteme jasap.
Basylym málimetinshe, sottalýshy jábirlenýshiniń ákesi bola tura 6 jyl boiy balanyń dármensiz jaǵdaiyn paidalanyp, kúsh qoldaný arqyly jynystyq sipattaǵy zorlyq-zombylyq áreketterin jasaǵan.
Oblystyq prokýratýranyń baspasóz qyzmeti Pavlodar oblysynyń qylmystyq ister jónindegi mamandandyrylǵan aýdanaralyq sotynyń úkimimen Pavlodar aýdanynyń turǵyny kámeletke tolmaǵanǵa qatysty zorlyq-zombylyq kórsetý arqyly jynystyq sipattaǵy zorlyq-zombylyq qylmystardy jasaǵany úshin kináli dep tanylǵanyn málimdedi.
"Jábirlenýshiniń dármensiz jaǵdaiyn paidalanyp, venerologiialyq aýrý juqtyrǵan. Sot sheshimimen aiyptalýshyǵa 25 jyl merzimge jazany qylmystyq-atqarý júiesiniń eń qaýipsiz mekemesinde óteý, himiialyq kastratsiia túrindegi meditsinalyq sipattaǵy májbúrleý sharalary taǵaiyndalady", - dep jazylǵan habarlamada.
Sottalýshynyń kinási qylmystyq is materialdarymen, jábirlenýshiniń, kýálardyń aiǵaqtarymen jáne júrgizilgen saraptamalarmen dáleldendi.
Sottalýshy ózi kinásin moiyndamady.
