Pavlodar oblysynyń bas memlekettik sanitar dárigeri Batyrbek Álievtiń óńirdegi karantindik shekteý sharalaryn kúsheitý jóninde jańa qaýlysy jariialandy, dep habarlaidy "Ult aqparat".
Atap aitqanda, ashyq jáne jabyq ǵimarattarda kórinisti, sporttyq is-sharalardy, otbasylyq, oiyn-saýyq, ujymdyq, korporativtik, saltanatty (banketter, úilený toilary, mereitoilar, as berý) is-sharalardy, adam kóp jinalatyn is-sharalardy ótkizýge tyiym salynǵan.
Sonymen qatar oiyn-saýyq mekemeleriniń (karaoke, biliard, komspiýter klýbtary, býkmeker keńseleri, loto terminaldary bar nysandar, túngi klýbtar, boýling ortalyqtary, kinoteatrlardyń qyzmeti toqtatyldy. Áitse de kitaphanalar men murajailardyń jumys júrgizilýine ruqsat berilip otyr. Kezekshi toptardy qospaǵanda mektepke deiingi balalar mekemeleriniń qyzmetine tyiym salynǵan. Qala jáne aýdan arasynda júretin avtobýstar keste boiynsha shekteýmen júredi.
Jańa qaýly 20 qańtardan bastap kúshine enedi. Qaýlynyń tolyq mátinin myna siltemeden kórýge bolady. Eske sala ketsek qazirgi ýaqytta Pavlodar oblysy Aqmola, Qostanai, Atyraý oblysy men Nur-Sultan qalasymen qatar «qyzyl» aimaqta tur.
