پاۆلودار وبلىسىنىڭ باس مەملەكەتتٸك سانيتار دەرٸگەرٸ باتىربەك ەليەۆتٸڭ ٶڭٸردەگٸ كارانتيندٸك شەكتەۋ شارالارىن كٷشەيتۋ جٶنٸندە جاڭا قاۋلىسى جارييالاندى, دەپ حابارلايدى "ۇلت اقپارات".
اتاپ ايتقاندا, اشىق جەنە جابىق عيماراتتاردا كٶرٸنٸستٸ, سپورتتىق ٸس-شارالاردى, وتباسىلىق, ويىن-ساۋىق, ۇجىمدىق, كورپوراتيۆتٸك, سالتاناتتى (بانكەتتەر, ٷيلەنۋ تويلارى, مەرەيتويلار, اس بەرۋ) ٸس-شارالاردى, ادام كٶپ جينالاتىن ٸس-شارالاردى ٶتكٸزۋگە تىيىم سالىنعان.
سونىمەن قاتار ويىن-ساۋىق مەكەمەلەرٸنٸڭ (كاراوكە, بيليارد, كومسپيۋتەر كلۋبتارى, بۋكمەكەر كەڭسەلەرٸ, لوتو تەرمينالدارى بار نىساندار, تٷنگٸ كلۋبتار, بوۋلينگ ورتالىقتارى, كينوتەاترلاردىڭ قىزمەتٸ توقتاتىلدى. ەيتسە دە كٸتاپحانالار مەن مۇراجايلاردىڭ جۇمىس جٷرگٸزٸلۋٸنە رۇقسات بەرٸلٸپ وتىر. كەزەكشٸ توپتاردى قوسپاعاندا مەكتەپكە دەيٸنگٸ بالالار مەكەمەلەرٸنٸڭ قىزمەتٸنە تىيىم سالىنعان. قالا جەنە اۋدان اراسىندا جٷرەتٸن اۆتوبۋستار كەستە بويىنشا شەكتەۋمەن جٷرەدٸ.
جاڭا قاۋلى 20 قاڭتاردان باستاپ كٷشٸنە ەنەدٸ. قاۋلىنىڭ تولىق مەتٸنٸن مىنا سٸلتەمەدەن كٶرۋگە بولادى. ەسكە سالا كەتسەك قازٸرگٸ ۋاقىتتا پاۆلودار وبلىسى اقمولا, قوستاناي, اتىراۋ وبلىسى مەن نۇر-سۇلتان قالاسىمەن قاتار «قىزىل» ايماقتا تۇر.
