QR Prezidenti Qasym-Jomart Toqaevtyń Jarlyǵymen Ábilqaiyr Baqtybaiuly Sqaqov Pavlodar oblysynyń ákimi qyzmetine taǵaiyndaldy, – dep habarlaidy Aqorda.
Ábilqaiyr Sqaqov 1974 jyly Pavlodar oblysynda týǵan.
Aqmola qarjy-ekonomikalyq tehnikýmyn (salyq boiynsha qarjyger, 1995 jyl); Shákárim atyndaǵy Semei memlekettik ýniversitetin (ekonomist jáne qarjyger, 2000 jyl); Qazaq quqyqtaný jáne halyqaralyq qatynastar institýtyn (bakalavr-zańger, 2004 jyl); M. V. Lomonosov atyndaǵy Máskeý memlekettik ýniversitetin («Master of Business Administration» iskerlik ákimshilik sheberiniń dárejesi,2017 jyl) aiaqtaǵan.
Eńbek ótili:
- 1995 jyldan 2005 jylǵa deiin - Pavlodar oblysy boiynsha salyq inspektsiiasynyń mamany, salyq inspektory, aǵa salyq inspektory, bólim bastyǵy, Pavlodar qalasy boiynsha Salyq komiteti tóraǵasynyń orynbasary;
- 2005-2006 jyldary - Pavlodar oblysy Qashyr aýdany boiynsha Salyq komitetiniń tóraǵasy;
- 2006-2008 jyldary - Pavlodar oblysy Densaýlyq saqtaý departamenti direktorynyń orynbasary (ekonomika jáne qarjy boiynsha);
- 2008-2010 jyldary - Pavlodar oblysy boiynsha Salyq departamentiniń Pavlodar qalasy boiynsha salyq basqarmasynyń bastyǵy;
- 2010-2012 jyldary - Qostanai oblysy boiynsha Salyq departamentiniń bastyǵy:
- 2012-2014 jyldary - Qazaqstan Respýblikasy Qarjy ministrliginiń Salyq komiteti tóraǵasynyń orynbasary;
- 2014 jyldan 2016 jylǵa deiin - Astana qalasy boiynsha Memlekettik kirister departamentiniń basshysy;
- 2016 jylǵy 1 jeltoqsannan – 2019 jyldyń sáýirine deiin – Qorǵanys ministriniń orynbasary (ekonomika jáne qarjy boiynsha).
- 2019 jyldyń sáýirinen sońǵy taǵaiyndaýǵa deiin QR Qarjy ministrligi Qarjy monitoringi komitetiniń tóraǵasy.
