Óńirde aldymen 9 myńǵa jýyq meditsina qyzmetkerine koronavirýsqa qarsy vaktsina egiledi, dep habarlaidy Pavlodarnews.kz.
Oblystyq densaýlyq saqtaý basqarmasynyń basshysy Aidar Seiitqazinov Qazaqstanda reseilik «Spýtnik V» vaktsinasyn shyǵarý josparlanyp jatqanyn atap ótti. QR Densaýlyq saqtaý ministrligi Pavlodar oblysyna 80 myń doza bóledi. Vaktsina 1 aqpannan bastap kezeń-kezeńimen jetkiziledi.
«Vaktsina Sultanov atyndaǵy oblystyq aýrýhana bazasyndaǵy muzdatqyshqa jetkiziledi. Onda 2,2 kýb metrlik muzdatqysh bar. Bul birinshi kezeńdegi vaktsinany qabyldap alýǵa jetkilikti. Qosymsha 1,2 kýb metrlik 3 muzdatqysh satyp alynady», - dedi Aidar Seiitqazinov.
Basqarma basshysynyń aitýynsha, KVI-ǵa qarsy vaktsinalaýdy júrgizý úshin meditsina qyzmetkerleri oqytyldy. Oblysta 1125 qyzmetker vaktsinalaýmen ainalysady. Onyń ishinde dárigerler men ortasha deńgeidegi qyzmetkerler bar.
«Oblysta vaktsinalanatyn azamattar tizimi - 85704. Bul naqty san emes. Sondyqtan ózgerýi múmkin. Vaktsinany ýaqytynda egý vaktsinaǵa qatysty klinikalyq kórsetkishterge, adamdardyń óz erkimen egilýine, egiletinderdiń epidemiologiialyq statýsyna bailanysty, - dedi Aidar Seiitqazinov.
Vaktsinalaýǵa aldymen meditsina qyzmetkerleri, pedagogtar, quqyq qorǵaý jáne kúsh qurylym qyzmetkerleri, memlekettik organdardyń ókilderi, stýdentter, jabyq balabaqshalardyń mamandary kiredi. Sondai-aq sozylmaly aýrýlary bar adamdar kiretin bolady.
«Aqpanda alǵashqy bolyp jetkiziletin vaktsina meditsina mamandaryna egiledi. Jospar boiynsha 9 myńǵa jýyq meditsina qyzmetkeri qamtylady. Munda statsionarlardyń jáne jedel járdem qyzmetkerleri kiredi», - dedi basqarma basshysy.
Aidar Seiitqazinovtyń aitýynsha, vaktsinalaýǵa daiyndyq úshin oblysta aqparattandyrý jumystaryn júrgizý kerek. Oǵan qosa, turǵyndar suraqtaryna jaýap alý úshin jedel jeli qurý qajet.
