Baianaýyl aýdanynyń burynǵy ákimi jyljymaityn múlikti zańsyz satyp aldy degen kúdikke ilindi, dep habarlaidy "Ult aqparat".
«Pavlodar oblysynyń Sybailas jemqorlyqqa qarsy qyzmeti Pavlodar oblysy Baianaýyl aýdanynyń burynǵy ákimi Orazgeldi Qaiyrgeldinovke qatysty sybailas jemqorlyq qylmysyn jasady degen kúdik boiynsha qylmystyq isti tergeýde», - dep habarlady QazAqparat tilshisine oblystyń Sybailas jemqorlyqqa qarsy qyzmeti.
O.Qaiyrgeldinov paidalaný úshin belgilengen talapqa sáikes kelmeitin nysandy oblystyq biýdjet qarajaty esebinen 240 million teńge mólsherindegi qarajatqa zańsyz satyp alǵan dep kúdikke ilindi.
«Oǵan qatysty qamaýda ustaý túrindegi bultartpaý sharasy tańdaldy. Tergeý jalǵasyp jatyr» dep atap ótti vedomstvo ókilderi.
