Pavlodar oblysy Arystyń 300 balasyn jazǵy saýyqtyrý lagerlerinde qabyldaidy. Bul týraly búgin oblys ákimi Bolat Baqaýov óziniń instagram-daǵy paraqshasynda jazdy.
«Arys qalasynda bolǵan oqiǵa týraly barlyǵymyz xabardarmyz. Dál osyndai qiyn sátte barlyq el bolyp qol ushyn berýimiz kerek. Sondyqtan Pavlodar oblysy Arystyń 300 balasyn aimaqtyń jazǵy saýyqtyrý lagerlerinde qabyldaýǵa daiyndyǵyn bildiredi. Sonymen qatar, Arys turǵyndaryna kómek jinaý úshin arnaiy pýnkt quryldy. Arys turǵyndarynyń óz úilerine aman-esen oralýlaryna tilektespin!», - dep jazdy oblys basshysy.
Aita keteiik, Túrkistan oblysynyń Arys qalasyndaǵy áskeri bólimniń qoimasynda jarylys boldy.
Oqiǵa ornyna shuǵyl túrde Memleket basshysy Qasym-Jomart Toqaev jetip, jarylys aýmaǵynan evakýatsiialanǵan turǵyndarmen kezdesti.
