پاۆلودار وبلىسى ارىستىڭ 300 بالاسىن جازعى ساۋىقتىرۋ لاگەرلەرٸندە قابىلدايدى. بۇل تۋرالى بٷگٸن وبلىس ەكٸمٸ بولات باقاۋوۆ ٶزٸنٸڭ instagram-داعى پاراقشاسىندا جازدى.
«ارىس قالاسىندا بولعان وقيعا تۋرالى بارلىعىمىز xاباردارمىز. دەل وسىنداي قيىن سەتتە بارلىق ەل بولىپ قول ۇشىن بەرۋٸمٸز كەرەك. سوندىقتان پاۆلودار وبلىسى ارىستىڭ 300 بالاسىن ايماقتىڭ جازعى ساۋىقتىرۋ لاگەرلەرٸندە قابىلداۋعا دايىندىعىن بٸلدٸرەدٸ. سونىمەن قاتار, ارىس تۇرعىندارىنا كٶمەك جيناۋ ٷشٸن ارنايى پۋنكت قۇرىلدى. ارىس تۇرعىندارىنىڭ ٶز ٷيلەرٸنە امان-ەسەن ورالۋلارىنا تٸلەكتەسپٸن!», - دەپ جازدى وبلىس باسشىسى.
ايتا كەتەيٸك, تٷركٸستان وبلىسىنىڭ ارىس قالاسىنداعى ەسكەري بٶلٸمنٸڭ قويماسىندا جارىلىس بولدى.
وقيعا ورنىنا شۇعىل تٷردە مەملەكەت باسشىسى قاسىم-جومارت توقاەۆ جەتٸپ, جارىلىس اۋماعىنان ەۆاكۋاتسييالانعان تۇرعىندارمەن كەزدەستٸ.
