Monopoliiaǵa qarsy departament Pavlodar oblysynyń prokýratýrasymen birlesip, Pavlodar munai-himiia zaýytynyń ústem jaǵdaiyn teris paidalaný deregin anyqtady, - dep habarlaidy Tengrinews.kz tilshisi Básekelestikti qorǵaý jáne damytý agenttiginiń baspasóz qyzmetine silteme jasap.
"Básekelestikti qorǵaý jáne damytý agenttiginiń Pavlodar oblysy boiynsha departamenti óńirlik prokýratýra basshylyǵymen "Pavlodar munaihimiia zaýyty" JShS qyzmetin vedomstvoaralyq tekserý sheńberinde 2021 jyly shiki munaidy qaita óńdeý boiynsha jumystardy oryndaýǵa monopoliialyq joǵary baǵa belgileý túrinde zaýyttyń ústem jaǵdaiyn teris paidalaný deregin anyqtady", - delingen habarlamada.
Vedomstvo málimetinshe, monopoliiaǵa qarsy departamenttiń qorytyndysyn prokýratýra is júrgizý sheshimin qabyldaý úshin Pavlodar oblysy boiynsha Ekonomikalyq tergeý departamentine joldaǵan.
"2022 jylǵy 31 naýryzda Ekonomikalyq tergeý departamenti 2021 jyly shiki munaidy qaita óńdeý boiynsha qyzmetterge monopoliialyq joǵary baǵany belgileý deregi boiynsha "PMHZ" JShS basshylyǵyna qatysty (qylmystyq is qozǵaldy) sotaldy tergeýdi tirkedi", - delingen vedomstvo málimetinde.
