Kilttengen esikti ashýǵa shaqyrtylǵan TJD qyzmetkerleri Ekibastuz ben Pavlodarda eki er adamnyń máiitin tapty, dep habarlaidy QazAqparat.
«Pavlodar qutqarýshylary esik ashýǵa tórt ret shaqyrtyldy», - dedi Pavlodar oblysy politsiia departamentiniń baspasóz qyzmeti jýrnalisterge.
Politsiia departamentiniń habarlaýynsha, barlyq shaqyrtý 7 qazan kúni bolǵan. Birinshi shaqyrtý saǵat 17:10-da Nazarbaev dańǵyly 44-shi úiden kelip túsken. Páterde qalǵan bala esikti asha almaǵan, ata-anasy kireberiste bolǵan.
Qutqarýshylar politsiia men balanyń ata-anasynyń kózinshe páter balkonyna jyljymaly saty arqyly shyqqan. Balaǵa eshteńe bolmaǵan.
«Ekibastuz qalasyndaǵy ekinshi shaqyrtýǵa qutqarýshylar 18:51-de shyqty. Máshhúr Júsip kóshesinde turatyn 1945 jylǵy áiel páterde bolyp, esigin asha almaǵan», - dedi óńirlik TJD.
Munda da qutqarýshylar politsiia qyzmetkerleriniń kózinshe arnaiy quraldarmen kirer esikti ashty. Áielge eshteńe bolmaǵan, ol meditsinalyq kómekti qajet etpedi.
Saǵat 20:20-da Ekibastuz qutqarýshylary dál sondai shyqyrtýǵa shyqty. Amangeldi kóshesindegi jeke menshik sektorynda er adam esigin ashpaǵan, úiden ólik iisi shyǵa bastaǵan.
Qutqarýshylar politseiler men er adamnyń týystarynyń kózinshe kirer esikti arnaiy quraldarmen ashty.
Bólmelerdiń birinen 53 jastaǵy er adamnyń máiiti tabyldy.
«Uqsas jaǵdai Pavlodar oblysynda túngi saǵat 11 shamasynda boldy: insýlt alǵan er adam esigin ashpaǵan. Qutqarýshylar politseiler men er adamnyń týystarynyń kózinshe arnaiy quraldarmen kirer esikti buzyp ashady – bólmelerdiń birinde 1974 jyly týǵan er adamnyń máiiti tabyldy», - dedi qutqarýshylar.
Barlyq jaǵdaida Pavlodar oblysynda shaqyrtylǵan jerlerge 16 qutqarýshy, 4 TJD kóligi jáne 102 qyzmeti shyqqan.
