Reseidegi Eýraziia halyqaralyq ýniversitetiniń rektory Konstantin Klimenko VKontakte men Telegram jelileriniń negizin qalaýshy Pavel Dýrovty Nobel syilyǵyna usyndy.
Klimenko bul ideiasyn óziniń Telegram-kanalynda jazdy.
"Men Pavel Dýrovty jańa tsifrlyq tehnologiialar dáýiriniń kóshbasshysy dep sanaimyn. Sondyqtan Pavel Dýrovqa Nobel syilyǵyn berý týraly resmi usynys joldadym ", – dep túsindirdi ol.
Onyń aitýynsha, bul ideiany Aziia men Afrika elderiniń birqatar ýniversitetteri men qoǵamdyq uiymdarynyń ókilderi de qoldap úlgergen.
"Sonymen qatar Dýbai BRIKS investitsiialyq forýmynyń uiymdastyrý komitetiniń tóraǵasy retinde men Paveldi osy forýmnyń qurmetti qonaǵy jáne spikeri bolýǵa shaqyrdym... Eger Frantsiia biligi Dýrovty túrmeden bosatpasa, ol Dýbai BRIKS forýmyna qashyqtan qatysa alady", – dep qosty ýniversitet rektory.
Eske salsaq, buǵan deiin Telegram negizin qalaýshy Pavel Dýrovtyń Frantsiiada ustalǵany týraly jazǵan edik. Dýrovqa Telegram-daǵy kontentti moderatsiialaýdan bas tartqany úshin terrorizm, esirtki saýdasy, aqshany jylystatý siiaqty aýyr qylmystarǵa qatysy bar degen aiyp taǵylǵan. 26 tamyz kúni Frantsiia soty Dýrovty qamaýǵa alý merzimin uzartty.
.jpg)