رەسەيدەگٸ ەۋرازييا حالىقارالىق ۋنيۆەرسيتەتٸنٸڭ رەكتورى كونستانتين كليمەنكو ۆكونتاكتە مەن Telegram جەلٸلەرٸنٸڭ نەگٸزٸن قالاۋشى پاۆەل دۋروۆتى نوبەل سىيلىعىنا ۇسىندى.
كليمەنكو بۇل يدەياسىن ٶزٸنٸڭ Telegram-كانالىندا جازدى.
"مەن پاۆەل دۋروۆتى جاڭا تسيفرلىق تەحنولوگييالار دەۋٸرٸنٸڭ كٶشباسشىسى دەپ سانايمىن. سوندىقتان پاۆەل دۋروۆقا نوبەل سىيلىعىن بەرۋ تۋرالى رەسمي ۇسىنىس جولدادىم ", – دەپ تٷسٸندٸردٸ ول.
ونىڭ ايتۋىنشا, بۇل يدەيانى ازييا مەن افريكا ەلدەرٸنٸڭ بٸرقاتار ۋنيۆەرسيتەتتەرٸ مەن قوعامدىق ۇيىمدارىنىڭ ٶكٸلدەرٸ دە قولداپ ٷلگەرگەن.
"سونىمەن قاتار دۋباي بريكس ينۆەستيتسييالىق فورۋمىنىڭ ۇيىمداستىرۋ كوميتەتٸنٸڭ تٶراعاسى رەتٸندە مەن پاۆەلدٸ وسى فورۋمنىڭ قۇرمەتتٸ قوناعى جەنە سپيكەرٸ بولۋعا شاقىردىم... ەگەر فرانتسييا بيلٸگٸ دۋروۆتى تٷرمەدەن بوساتپاسا, ول دۋباي بريكس فورۋمىنا قاشىقتان قاتىسا الادى", – دەپ قوستى ۋنيۆەرسيتەت رەكتورى.
ەسكە سالساق, بۇعان دەيٸن Telegram نەگٸزٸن قالاۋشى پاۆەل دۋروۆتىڭ فرانتسييادا ۇستالعانى تۋرالى جازعان ەدٸك. دۋروۆقا Telegram-داعى كونتەنتتٸ مودەراتسييالاۋدان باس تارتقانى ٷشٸن تەرروريزم, ەسٸرتكٸ ساۋداسى, اقشانى جىلىستاتۋ سيياقتى اۋىر قىلمىستارعا قاتىسى بار دەگەن ايىپ تاعىلعان. 26 تامىز كٷنٸ فرانتسييا سوتى دۋروۆتى قاماۋعا الۋ مەرزٸمٸن ۇزارتتى.
.jpg)