Foto: DSM
Almatyda jedel járdem shaqyrtýynan keiin daý shyqty: patsient feldsherdi tiiskeni úshin aiyptasa, meditsina qyzmetkeri muny joqqa shyǵaryp, qarsy aryz jazdy, dep habarlaidy Ult.kz.
Qala turǵynynyń aitýynsha, feldsher tekserý kezinde intimdik shekaradan asyp, tipti telefonyn tartyp alyp, páterde ustap qalmaq bolǵan. Aiǵaiǵa jinalǵan kórshiler jaǵdaidy toqtatqan. Qyz politsiiaǵa júgingen.
Politsiia isti tekserip jatyr.
Al jedel járdem stantsiiasy aiyptaýlar rastalmaǵanyn málimdedi. Olardyń dereginshe, feldsher meditsinalyq hattamaǵa sai kómek kórsetip, EKG jasaǵan jáne naýqasty aýrýhanaǵa jatqyzýdy usynǵan, biraq ol bas tartqan.
Kerisinshe, meditsina qyzmetkeriniń ózi patsienttiń áreketine bailanysty politsiia shaqyryp, aryz jazǵan. Ol alty jyldan beri jumys isteidi, buǵan deiin shaǵym bolmaǵan.
