Foto: Polisia.kz
Qostanai oblysynda 22 jastaǵy Rýdnyi qalasynyń turǵyny internet-alaiaqtarǵa arnalǵan arnaiy tehnikalyq torapty páterinde uiymdastyrdy degen kúdikpen ustaldy, dep habarlaidy Ult.kz.
Politsiia málimetinshe, kúdikti bir mezgilde túrli bailanys operatorlarynyń kóptegen SIM-kartalaryn paidalanýǵa múmkindik beretin SIM-box qurylǵysyn qoldanǵan. Mundai jabdyq telefon nómirlerin almastyrýǵa jáne internet arqyly alaiaqtyq qońyraýlar shalýǵa múmkindik beredi. Nátijesinde qońyraýlar qazaqstandyq nómirlerden túskendei bolyp kórinedi.
Vedomstvo ókilderiniń aitýynsha, kúdiktiniń turǵylyqty jerin tintý barysynda bailanysqa arnalǵan tehnikalyq quraldar tárkilengen. Olardyń qatarynda uialy telefondar, SIM-kartalar, internet-roýter jáne beinebaqylaý júiesi bar.
Aldyn ala derekterge sáikes, atalǵan qurylǵylar internet-servister arqyly kelip túsetin qońyraýlardy qabyldap, óńdeý úshin paidalanylǵan.
Tergeý nusqasyna sai, ustalǵan azamat messendjerler arqyly bailanysqa shyqqan belgisiz tulǵalardyń nusqaýyn oryndaǵan. Olar zańsyz shemany uiymdastyryp, onyń áreketin úilestirip otyrǵan.
Qazirgi ýaqytta sotqa deiingi tergep-tekserý amaldary júrgizilip jatyr.
