AQSh-tyń Niý-Iork qalasynda tazalyq jumystaryn júrgizýge kelgen qyzmetkerler páterdegi eski divannyń ústinen adamnyń qańqalanyp ketken máiitin tapty, dep habarlaidy ult.kz.
Oqiǵa Brýklinniń Kraýn-Haits aýdanyndaǵy áleýmettik turǵyn úi kesheninde bolǵan. Tergeý málimetinshe, tazalyq brigadasy páterdi jinaýǵa kelgen kezde divannyń ústine úiilgen kiim-keshek pen túrli qoqystyń astynan adamnyń súiekke ainalǵan denesin anyqtaǵan. Qyzmetkerler birden politsiia shaqyrǵan.
Politsiianyń málimetinshe, máiittiń qatty ydyrap ketkeni sonshalyq, ázirge onyń kim ekeni anyqtalmaǵan. Sondai-aq sot-meditsinalyq sarapshylar ólimniń naqty sebebin de birden anyqtai almady.
Osy iske bailanysty 53 jastaǵy Hose Rivera ustalyp, oǵan adamnyń máiitin jasyrdy degen aiyp taǵyldy. Tergeýshilerdiń aitýynsha, páterdi tazalaýǵa kelgen qyzmetkerlerdi er adam bastapqyda ishke kirgizgisi kelmegen. Buǵan deiin kórshiler de páterden jaǵymsyz iis shyǵyp turǵanyn birneshe ret habarlaǵan.
Qazirgi ýaqytta politsiia marqumnyń jeke basyn anyqtap, onyń qalai kóz jumǵanyn jáne máiittiń páterde qansha ýaqyt jatqanyn anyqtaý jumystaryn jalǵastyryp jatyr.
