اقش-تىڭ نيۋ-يورك قالاسىندا تازالىق جۇمىستارىن جٷرگٸزۋگە كەلگەن قىزمەتكەرلەر پەتەردەگٸ ەسكٸ ديۆاننىڭ ٷستٸنەن ادامنىڭ قاڭقالانىپ كەتكەن مەيٸتٸن تاپتى, دەپ حابارلايدى ult.kz.
وقيعا برۋكليننٸڭ كراۋن-حايتس اۋدانىنداعى ەلەۋمەتتٸك تۇرعىن ٷي كەشەنٸندە بولعان. تەرگەۋ مەلٸمەتٸنشە, تازالىق بريگاداسى پەتەردٸ جيناۋعا كەلگەن كەزدە ديۆاننىڭ ٷستٸنە ٷيٸلگەن كيٸم-كەشەك پەن تٷرلٸ قوقىستىڭ استىنان ادامنىڭ سٷيەككە اينالعان دەنەسٸن انىقتاعان. قىزمەتكەرلەر بٸردەن پوليتسييا شاقىرعان.
پوليتسييانىڭ مەلٸمەتٸنشە, مەيٸتتٸڭ قاتتى ىدىراپ كەتكەنٸ سونشالىق, ەزٸرگە ونىڭ كٸم ەكەنٸ انىقتالماعان. سونداي-اق سوت-مەديتسينالىق ساراپشىلار ٶلٸمنٸڭ ناقتى سەبەبٸن دە بٸردەن انىقتاي المادى.
وسى ٸسكە بايلانىستى 53 جاستاعى حوسە ريۆەرا ۇستالىپ, وعان ادامنىڭ مەيٸتٸن جاسىردى دەگەن ايىپ تاعىلدى. تەرگەۋشٸلەردٸڭ ايتۋىنشا, پەتەردٸ تازالاۋعا كەلگەن قىزمەتكەرلەردٸ ەر ادام باستاپقىدا ٸشكە كٸرگٸزگٸسٸ كەلمەگەن. بۇعان دەيٸن كٶرشٸلەر دە پەتەردەن جاعىمسىز يٸس شىعىپ تۇرعانىن بٸرنەشە رەت حابارلاعان.
قازٸرگٸ ۋاقىتتا پوليتسييا مارقۇمنىڭ جەكە باسىن انىقتاپ, ونىڭ قالاي كٶز جۇمعانىن جەنە مەيٸتتٸڭ پەتەردە قانشا ۋاقىت جاتقانىن انىقتاۋ جۇمىستارىن جالعاستىرىپ جاتىر.
