Foto: sputnik.kz
Astanada politsiia qyzmetkerleri biznes-ortalyqtardyń birinde ornalasqan alaiaqtyq sall ortalyqty joidy, dep habarlady Polisia.kz.
Qaskóiler ózderin "Tehnosmart", "Baizon", "Like me shop" internet-dúkenderiniń qyzmetkerleri retinde tanystyryp, kólikter men páterler siiaqty utystar týraly habarlap, olarǵa salyq tóleý qajetti týraly aitqan. Jedel is-sharalardy ótkizý kezinde keńseniń alty qyzmetkeri ustaldy. Olardyń barlyǵy Qazaqstan azamaty. Jeti noýtbýk, marshrýtizator, wi-Fi roýter tárkilendi.
Sonymen qatar Jetisý oblysynda politseiler UQK qyzmetkerlerimen birlesip, internet-alaiaqtyq jasaý úshin sim-box qurylǵysyn paidalaný faktisin anyqtady. Tintý barysynda 96 sloty bar jeti sim-box qurylǵysy, qazaqstandyq uialy operatorlardyń 50 myńnan astam sim-kartasy, jeti uialy telefon, eki noýtbýk, sondai-aq qańtar oqiǵasy kezinde urlanǵan dep boljanǵan IJ-53 markaly eki pnevmatikalyq tapansha jáne tórt armiialyq kaska tárkilendi.
Bul faktiler boiynsha sotqa deiingi tergeý bastaldy.
