Astanada turǵyn úidi naryqtyq baǵadan arzan alyp berýge ýáde etip, azamattardyń aqshasyn iemdendi degen kúdikpen 51 jastaǵy er adam ustaldy, dep habarlaidy ult.kz.
Tergeý málimetinshe, kúdikti turǵyndardyń senimine kirip, baspanany tómen baǵamen alyp beretinin nemese memlekettik baǵdarlamalar arqyly kezeksiz rásimdeýge kómektesetinin aityp, olardan aqsha alǵan.
Alaiaqtyqtyń bir epizodynda ol jábirlenýshiden páter alyp beremin degen syltaýmen 1 million teńgeni zańsyz iemdengen.
Kúdikti ýaqytsha ustaý izoliatoryna qamaldy. Atalǵan derek boiynsha sotqa deiingi tergeý bastaldy.
Tergeý barysynda onyń dál osyndai tásilmen jasalǵan taǵy 30 alaiaqtyq faktisine qatysy bolýy múmkin ekeni anyqtaldy. Qazir barlyq epizod boiynsha qajetti tergeý amaldary júrgizilip jatyr.
Politsiia azamattardy saq bolýǵa shaqyrdy. Quqyq qorǵaý organdary turǵyn úidi naryq baǵasynan áldeqaida arzanǵa alyp berý, kezeksiz rásimdeý nemese memlekettik baǵdarlamalar arqyly baspana áperýge qatysty kúmándi usynystarǵa senbeýge keńes beredi.
Turǵyn úige qatysty mámilelerdi tek ýákiletti memlekettik organdar men resmi uiymdar arqyly rásimdep, beitanys adamdarǵa aldyn ala aqsha bermeý qajet.
