Búgin parlamenttiń birlesken otyrysynda qos palata sessiiasynyń jumysyn uzartý máselesin qarady, – dep habarlaidy Ult aqparat.
Úkimet basshysy Asqar Mamin turmysy tómen azamattardyń borysh júktemesin azaitýǵa bailanysty respýblikalyq biýdjtke ózgerister engizý qajettigin atap ótip:
«Prezident áleýmettik turmysy tómen azamattardyń borysh júktemesin azaitý sharalary týraly jarlyqqa qol qoidy. Osy qabyldanǵan sheshimniń arqasynda áleýmettik turmysy tómen azamattarǵa kómek kórsetiledi. Memleket basshysynyń tapsyrmasy boiynsha úkimet halyqtyń eń ózekti áleýmettik máselelerin shuǵyl túrde sheshýge arnalǵan jáne halyqtyń ál-aýqatyn arttyrý maqsatynda jedel sharalar toptamasyn ázirledi» dedi.
Atap aitqanda, jumyssyz júrgen 300 myńnan astam azamat «Bastaý biznes» jáne «Jas kásipker» baǵdarlamalary boiynsha jumysqa ornalasý sharalarymen qamtylady. Sonymen qatar turmysy tómen otbasylarǵa jaldamaly baspana qurylysy kólemin eki esege ósirý, jumys isteitin jastarǵa jaldamaly úilerdiń qurylysyn úsh ese arttyrý sharalary qolǵa alynbaq. Buǵan qosa, turmysy tómen balalardyń otbasylaryna keshendi qoldaý sharalary uiymdastyrylady.
Premer-ministr osy atalǵan mańyzdy is-sharalardy iske asyrý úshin 2019-2021 jyldarǵa arnalǵan respýblikalyq biýdjet týraly zańǵa ózgerister engizý qajettigin atap ótti.
Al Májilis tóraǵasy Nurlan Nyǵmatýlin altynshy sailanǵan parlamenttiń tórtinshi sessiiasyn 2019 jylǵy 5 shildege deiin uzartýdy usyndy.
Osylaisha Parlament depýtattary tórtinshi sessiianyń jumysyn osy jyldyń 5 shildesine deiin uzartý týraly qaýly qabyldady.
