Májilis depýtattary Senattyń 2023-2025 jyldarǵa arnalǵan respýblikalyq biýdjet týraly zań jobasyna engizilgen túzetýlerin kelisti, - dep habarlaidy Tengrinews.kz.
"Senat jalpy somasy 71,8 milliard teńge bolatyn 57 túzetý engizdi, onyń ishinde 2023 jyly - 30 milliard teńge, 2024 jyly - 29 milliard teńge, 2025 jyly - 12,8 milliard teńge. Bul shyǵystar joldardy damytýǵa, halyqty aýyzsýmen jáne tabiǵi gazben qamtamasyz etýge baǵyttalǵan.
Senat engizgen túzetýler respýblikalyq biýdjet jobasy parametrleriniń teńgerimin buzbaidy jáne ekonomikany odan ári turaqty damytýǵa jáne Memleket basshysy alǵa qoiǵan mindetterdi sheshýge baǵyttalǵan. Qarjy jáne biýdjet komiteti "2023-2025 jyldarǵa arnalǵan respýblikalyq biýdjet týraly" Qazaqstan Respýblikasy zańynyń jobasyna QR Parlamenti Senaty engizgen ózgerister men tolyqtyrýlardy kelisý týraly usynys jasady", - dedi Qarjy jáne biýdjet komitetiniń múshesi Anatolii Boichin.
Qujat el Prezidentiniń qol qoiýyna jiberildi.
