Májilis tóraǵasy Nurlan Nyǵmatýlin aldaǵy Parlament sailaýyna qatysty pikir bildirdi, dep habarlaidy "Ult aqparat".
«Búgin Memleket basshysy Qasym-Jomart Toqaev kezekti Parlament sailaýyn ótkizý týraly Jarlyqqa qol qoidy. Árine, Parlament sailaýy bizdiń elimiz, halqymyz úshin óte mańyzdy saiasi qadam», - dedi N. Nyǵmatýlin Májilistiń jalpy otyrysynda.
Osy oraida ol Táýelsizdik jyldarynda parlamenttik ári prezidenttik sailaýlardy ótkizý kezinde qazaqstandyqtar únemi saiasi joǵary mádenietti kórsetip kele jatqanyn atap ótti.
«Sebebi Parlament sailaýy elimizdegi barlyq saiasi partiialardyń óz baǵdarlamalaryn tanystyrýǵa jáne halyqtyń senimine ie bolýǵa úlken múmkindik beredi. Sondyqtan aldaǵy sailaý demokratiiany nyǵaitýǵa, qoǵamdyq yntymaqtastyqty kúsheitýge, elimizdiń damýyna jańa serpin beredi dep senemiz», - dedi Májilis tóraǵasy.
Aita keteiik, Memleket basshysy Qasym-Jomart Toqaev QR Parlamenti Májilisi jáne máslihat depýtattary sailaýyn taǵaiyndaý týraly úndeý jariialady.
«Aldaǵy sailaý konstitýtsiialyq merzimge sáikes, 2021 jyldyń 10 qańtarynda ótedi. Barlyq saiasi partiialardyń bul sailaý naýqanyna qatysýǵa daiyndalýyna, sailaý aldyndaǵy platformasyn ázirleýine, partiialyq infraqurylymdardy jetildirýine ýaqyty jetkilikti boldy. Ortalyq sailaý komissiiasy men Bas prokýratýra sailaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezident.
