Senat pen Májilis depýtattary elorda ataýyn Nur-Sultannan Astanaǵa ózgertýdi qoldap daýys berdi, - dep habarlaidy Tengrinews.kz agenttigi.
Qazaqstan astanasy ataýyn Astana dep ózgertý "Konstitýtsiiaǵa ózgerister men tolyqtyrýlar engizý týraly" zań jobasyna engizilgen.
"Elorda ataýyn ózgertý máselesi qoǵam tarapynan uzaq ýaqyt boiy keńinen talqylanyp keledi. Ol kezdesýler barysynda, referendým kezinde azamattar úndeýinde kóterildi. Sondyqtan qoǵamdyq pikirdi eskere otyryp, depýtattardyń bul usynysy zań jobasyna engizildi. Elordany qaita ataý boiynsha bastamany "Jańa Qazaqstan" depýtattyq toby usyndy. Osylaisha, zań jobasy sheńberinde kózdelgen konstitýtsiialyq novellalar Memleket basshysynyń bastamalary men depýtattardyń usynystaryn tolyq kólemde iske asyrýǵa múmkindik beredi, bul saiasi júiege múldem jańa standarttar qoiady", - dedi Parlament palatalarynyń birlesken otyrysynda ádilet ministri Qanat Mýsin.
Májilis depýtaty Janarbek Áshimjanov Qazaqstan halqy Tuńǵysh Prezidenttiń memlekettilikti nyǵaitýdaǵy sińirgen eńbegin joqqa shyǵarmaitynyna sendirdi.
"Onyń esimin elordadaǵy halyqaralyq áýejaiǵa, birneshe eskertkishterge, saiabaqtarǵa, bilim oshaǵyna berý - qurmet belgisi. Halyqtyń basty talaby - bir kezderi elordaǵa berilgen Astana ataýyn qaitarý", - dedi ol.
Sonymen qatar, zań jobasyna prezidenttik merzimge jeti jylǵa bir ret sailaný normasy engizilgen.
Aita keteiik, buǵan deiin elorda máslihatynda qoǵamdyq tyńdaýlar ótip, onda depýtattar bul bastamany biraýyzdan qoldaǵan bolatyn.
2 qyrkúiekte Májilistegi "Jańa Qazaqstan" depýtattyq tobynyń músheleri Astana ataýyn Nur-Sultanǵa qaitarýdy usyndy.
