سەنات پەن مەجٸلٸس دەپۋتاتتارى ەلوردا اتاۋىن نۇر-سۇلتاننان استاناعا ٶزگەرتۋدٸ قولداپ داۋىس بەردٸ, - دەپ حابارلايدى Tengrinews.kz اگەنتتٸگٸ.
قازاقستان استاناسى اتاۋىن استانا دەپ ٶزگەرتۋ "كونستيتۋتسيياعا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىنا ەنگٸزٸلگەن.
"ەلوردا اتاۋىن ٶزگەرتۋ مەسەلەسٸ قوعام تاراپىنان ۇزاق ۋاقىت بويى كەڭٸنەن تالقىلانىپ كەلەدٸ. ول كەزدەسۋلەر بارىسىندا, رەفەرەندۋم كەزٸندە ازاماتتار ٷندەۋٸندە كٶتەرٸلدٸ. سوندىقتان قوعامدىق پٸكٸردٸ ەسكەرە وتىرىپ, دەپۋتاتتاردىڭ بۇل ۇسىنىسى زاڭ جوباسىنا ەنگٸزٸلدٸ. ەلوردانى قايتا اتاۋ بويىنشا باستامانى "جاڭا قازاقستان" دەپۋتاتتىق توبى ۇسىندى. وسىلايشا, زاڭ جوباسى شەڭبەرٸندە كٶزدەلگەن كونستيتۋتسييالىق نوۆەللالار مەملەكەت باسشىسىنىڭ باستامالارى مەن دەپۋتاتتاردىڭ ۇسىنىستارىن تولىق كٶلەمدە ٸسكە اسىرۋعا مٷمكٸندٸك بەرەدٸ, بۇل ساياسي جٷيەگە مٷلدەم جاڭا ستاندارتتار قويادى", - دەدٸ پارلامەنت پالاتالارىنىڭ بٸرلەسكەن وتىرىسىندا ەدٸلەت مينيسترٸ قانات مۋسين.
مەجٸلٸس دەپۋتاتى جاناربەك ەشٸمجانوۆ قازاقستان حالقى تۇڭعىش پرەزيدەنتتٸڭ مەملەكەتتٸلٸكتٸ نىعايتۋداعى سٸڭٸرگەن ەڭبەگٸن جوققا شىعارمايتىنىنا سەندٸردٸ.
"ونىڭ ەسٸمٸن ەلورداداعى حالىقارالىق ەۋەجايعا, بٸرنەشە ەسكەرتكٸشتەرگە, ساياباقتارعا, بٸلٸم وشاعىنا بەرۋ - قۇرمەت بەلگٸسٸ. حالىقتىڭ باستى تالابى - بٸر كەزدەرٸ ەلورداعا بەرٸلگەن استانا اتاۋىن قايتارۋ", - دەدٸ ول.
سونىمەن قاتار, زاڭ جوباسىنا پرەزيدەنتتٸك مەرزٸمگە جەتٸ جىلعا بٸر رەت سايلانۋ نورماسى ەنگٸزٸلگەن.
ايتا كەتەيٸك, بۇعان دەيٸن ەلوردا مەسليحاتىندا قوعامدىق تىڭداۋلار ٶتٸپ, وندا دەپۋتاتتار بۇل باستامانى بٸراۋىزدان قولداعان بولاتىن.
2 قىركٷيەكتە مەجٸلٸستەگٸ "جاڭا قازاقستان" دەپۋتاتتىق توبىنىڭ مٷشەلەرٸ استانا اتاۋىن نۇر-سۇلتانعا قايتارۋدى ۇسىندى.
