Parlament depýtattary Arys turǵyndarymen kezdesý úshin Túrkistan oblysyna attandy, – dep habarlaidy "Ult Aqparat".
Bul týraly búgin Májilistiń jalpy otyrysynda Májilis tóraǵasy Nurlan Nyǵmatýlin aitty. Onyń aitýynsha, depýtattar ózderiniń bir kúndik jalaqysyn arnaiy kómek kórsetý qoryna aýdarǵan.
«Barlyq depýtattyq korpýs atynan Arys qalasyndaǵy tótenshe jaǵdai saldarynan qaza bolǵandardyń otbasylaryna qaiǵyra kóńil aitamyz. Sonymen birge, zardap shekkenderdiń tezirek jazylyp ketýin tileimiz. Barshańyzǵa belgili, osy kúnderi búkil qazaqstandyqtar bir el bolyp Arys turǵyndaryna qoldan kelgen kómekti kórsetýde. Sonyń ishinde Májilis depýtattary da birinshi kúnnen bastap osy oqiǵadan tys qalǵan joq. Al kesheden bastap bir top depýtattarymyz halyqpen kezdesý úshin Arys qalasyna jol júrip ketti» dedi N.Nyǵmatýlin.
Eske sala ketsek, Arys qalasyndaǵy áskeri bólimniń qoimasynda 24 maýsym kúni tańerteń jarylys boldy. Apat saldarynan eki adam mert boldy.
