پارلامەنت دەپۋتاتتارى ارىس تۇرعىندارىمەن كەزدەسۋ ٷشٸن تٷركٸستان وبلىسىنا اتتاندى, – دەپ حابارلايدى "ۇلت اقپارات".
بۇل تۋرالى بٷگٸن مەجٸلٸستٸڭ جالپى وتىرىسىندا مەجٸلٸس تٶراعاسى نۇرلان نىعماتۋلين ايتتى. ونىڭ ايتۋىنشا, دەپۋتاتتار ٶزدەرٸنٸڭ بٸر كٷندٸك جالاقىسىن ارنايى كٶمەك كٶرسەتۋ قورىنا اۋدارعان.
«بارلىق دەپۋتاتتىق كورپۋس اتىنان ارىس قالاسىنداعى تٶتەنشە جاعداي سالدارىنان قازا بولعانداردىڭ وتباسىلارىنا قايعىرا كٶڭٸل ايتامىز. سونىمەن بٸرگە, زارداپ شەككەندەردٸڭ تەزٸرەك جازىلىپ كەتۋٸن تٸلەيمٸز. بارشاڭىزعا بەلگٸلٸ, وسى كٷندەرٸ بٷكٸل قازاقستاندىقتار بٸر ەل بولىپ ارىس تۇرعىندارىنا قولدان كەلگەن كٶمەكتٸ كٶرسەتۋدە. سونىڭ ٸشٸندە مەجٸلٸس دەپۋتاتتارى دا بٸرٸنشٸ كٷننەن باستاپ وسى وقيعادان تىس قالعان جوق. ال كەشەدەن باستاپ بٸر توپ دەپۋتاتتارىمىز حالىقپەن كەزدەسۋ ٷشٸن ارىس قالاسىنا جول جٷرٸپ كەتتٸ» دەدٸ ن.نىعماتۋلين.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا 24 ماۋسىم كٷنٸ تاڭەرتەڭ جارىلىس بولدى. اپات سالدارىنان ەكٸ ادام مەرت بولدى.
