Foto: © REUTERS/Benoit Tessier
Frantsiia BAQ ókilderi Olimpiadaǵa qatysý úshin Parijge kelgen birneshe sportshy Olimpiada aýylynda azyq-túlik jetispeitinine shaǵymdanǵanyn jazady, dep habarlaidy "Ult Aqparat" BBC-ge silteme jasap.
l ' Équipe gazeti jazǵandai, jarysqa qatysýshylar sársenbide olimpiadalyq ashanada tańǵy as kezinde usynylatyn jumyrtqa men qýyrylǵan et bárine birdei jete bermeitinin aitty.
Sodexo LIVE kompaniiasy Olimpiadalyq aýylda tamaqtanýdy uiymdastyrý tenderin jeńgen. Ol keibir ónimderge "óte joǵary suranys" bolǵanyn moiyndady jáne "sportshylardyń qajettilikterin qanaǵattandyrý úshin" jetkiziletin azyq-túlik kólemin arttyrýǵa ýáde berdi.
Olimpiadalyq jáne Paralimpiadalyq oiyndardy ótkizý kezinde Olimpiadalyq aýyldyń ashanasynda barlyǵy 13 millionǵa jýyq tańǵy as, túski jáne keshki as beriledi.
"Bastapqyda josparlanǵan kólemderdi ulǵaitý úshin qaita qaraý usynyldy", — dep rastady olimpiadalyq aýylǵa jańa azyq-túlik jetkizýge jaýapty Carrefour sýpermarketter jelisiniń ókili.
Aita keteiik bul kompaniiaǵa 208 elden jinalǵan 15 myń sportshyny, sondai — aq olardy súiemeldeitin qoldaý toptaryn, resmi delegatsiialar músheleri men eriktilerdi azyq-túlikpen qamtamasyz etý júktelgen.
Sportshylarǵa alty negizgi aspazdyq baǵytty tańdaý usynylady (Frantsýz, Aziia, afro-Karib teńizi taǵamdary jáne t.b.), barlyǵy 500-ge jýyq túrli taǵamdar bar, olar ártúrli gastronomiialyq talǵamdardy qanaǵattandyrýǵa arnalǵan.
.jpg)