پاريجدەگٸ وليمپيادالىق اۋىلدا جۇمىرتقا تاپشى

فوتو: © REUTERS/Benoit Tessier

فرانتسييا باق ٶكٸلدەرٸ وليمپياداعا قاتىسۋ ٷشٸن پاريجگە كەلگەن بٸرنەشە سپورتشى وليمپيادا اۋىلىندا ازىق-تٷلٸك جەتٸسپەيتٸنٸنە شاعىمدانعانىن جازادى, دەپ حابارلايدى "ۇلت اقپارات" BBC-گە سٸلتەمە جاساپ.

l ' Équipe گازەتٸ جازعانداي, جارىسقا قاتىسۋشىلار سەرسەنبٸدە وليمپيادالىق اسحانادا تاڭعى اس كەزٸندە ۇسىنىلاتىن جۇمىرتقا مەن قۋىرىلعان ەت بەرٸنە بٸردەي جەتە بەرمەيتٸنٸن ايتتى.

Sodexo LIVE كومپانيياسى وليمپيادالىق اۋىلدا تاماقتانۋدى ۇيىمداستىرۋ تەندەرٸن جەڭگەن. ول كەيبٸر ٶنٸمدەرگە "ٶتە جوعارى سۇرانىس" بولعانىن مويىندادى جەنە "سپورتشىلاردىڭ قاجەتتٸلٸكتەرٸن قاناعاتتاندىرۋ ٷشٸن" جەتكٸزٸلەتٸن ازىق-تٷلٸك كٶلەمٸن ارتتىرۋعا ۋەدە بەردٸ.

وليمپيادالىق جەنە پاراليمپيادالىق ويىنداردى ٶتكٸزۋ كەزٸندە وليمپيادالىق اۋىلدىڭ اسحاناسىندا بارلىعى 13 ميلليونعا جۋىق تاڭعى اس, تٷسكٸ جەنە كەشكٸ اس بەرٸلەدٸ.

"باستاپقىدا جوسپارلانعان كٶلەمدەردٸ ۇلعايتۋ ٷشٸن قايتا قاراۋ ۇسىنىلدى", — دەپ راستادى وليمپيادالىق اۋىلعا جاڭا ازىق-تٷلٸك جەتكٸزۋگە جاۋاپتى Carrefour سۋپەرماركەتتەر جەلٸسٸنٸڭ ٶكٸلٸ.

ايتا كەتەيٸك بۇل كومپانيياعا 208 ەلدەن جينالعان 15 مىڭ سپورتشىنى, سونداي — اق ولاردى سٷيەمەلدەيتٸن قولداۋ توپتارىن, رەسمي دەلەگاتسييالار مٷشەلەرٸ مەن ەرٸكتٸلەردٸ ازىق-تٷلٸكپەن قامتاماسىز ەتۋ جٷكتەلگەن.

سپورتشىلارعا التى نەگٸزگٸ اسپازدىق باعىتتى تاڭداۋ ۇسىنىلادى (فرانتسۋز, ازييا, افرو-كاريب تەڭٸزٸ تاعامدارى جەنە ت.ب.), بارلىعى 500-گە جۋىق تٷرلٸ تاعامدار بار, ولار ەرتٷرلٸ گاسترونومييالىق تالعامداردى قاناعاتتاندىرۋعا ارنالعان.