Parij politsiiasynyń qyzmetkeri jumys ornynda tórt áriptesin pyshaqtap tastady, dep habarlaidy VVS.
45 jastaǵy Mikael Harpon jergilikti ýaqytpen 13:00 shamasynda politsiia ǵimaratyna kirip, týra óz kabinetine bettegen. Jol boiy kezdesken áriptesteriniń bárine pyshaq suǵa bergen. Ony oqiǵa ornynda áriptesteriniń biri atyp óltirgen. Biraq oǵan deiin baspaldaqta eki áielge, kabinetinde otyrǵan taǵy úsh er adamǵa pyshaq sermep úlgergen.
Parij prokýrory Remi Heitstiń málimetinshe, ókinishke qarai, úsh er adam men bir áiel qaza tapqan. Áielderdiń ekinshisi aman qalǵan, biraq hal ústinde jatyr.
Harponnyń áieli shuǵyl túrde qamaýǵa alyndy. Biraq prokýratýra oǵan eshqandai aiyp taǵylmaǵanyn málimdedi.
Oqiǵa ornyna Frantsiia prezidenti Emmaniýel Makron, premer-ministr Edýard Filipp jáne ishki ister ministri Kristof Kastaner shuǵyl jetken.
Kastanerdiń aitýynsha, Harpon politsiiada baǵdarlamalaýshy bolyp jumys istegen, 70% sańyraý bolǵan.
